Prima de la guera, co’ mi iero picio,
i vigili urbani li ciamavimo ancora
“guardie del radicio”.
Tuti noi, muleti, mulete e muloni,
ierimo ganghe, dispetosi,
e per lo più non tanto boni.
I guardiani inveze ‘ssai atenti,
pochi sì, ma “vigili”,
e sempre presenti!
Do, in giardin publico, e anca un,
ma non se podeva sgarar che
’l rivava tutintun!
Una volta, per non esser ciapado,
me son messo a corer a più non posso,
e poco ga mancà
che non me la faxessi adosso!
Ogigiorno i xe diversi;
tapai, in auto, missiadi
e spesso anca in tre,
ma tuto va in malora
e non se sà perchè!
Ghe ne xe tanti, ben tressai,
ma i par spaventai:
con stà mularia moderna non i fa tela,
e i par sempre più, l’esercito del “demoghela”!
Insoma sta gioventù fà de lori quel che i vol,
perchè non xe più regole
e fermarli non i riva, o non se pol,
XE LIBERTA”!

Ma adesso che son grando, anzi vecio e stufo,
penso e vedo che iera assai meo tuto,
prima de la guera, co mi iero picio!